TEAM KAPAMILYA TAYO!

"I was determined that ABS-CBN would be number one. And to be number one , you have to get the number one people."
-EUGENIO L. LOPEZ, ABS-CBN Corporation Chairman Emeritus

Monday, November 1, 2010

PUSH THIS: Hayden Kho confirms he and Dr. Vicki Belo are a couple again


Sa unang pagkakataon ay nagsalita na si Hayden Kho sa The Buzz kahapon at sinagot ang lahat ng kontrobersiya kung saan siya nasangkot, lalong-lalo na ang kontrobersyal na sex videos. “I feel like mas malakas akong tao ngayon,” ito raw ang pakiramdam ni Hayden matapos ang video scandal, at matapos maging laman ng balita, madapa at makabangon. “Mayroon akong nakalimutan before, eh mayroong nawala sa buhay ko before. Noong maganda ‘yungcareer ko, ang lakas ng kinikita ko, andyan lahat, parang star ako, ‘yung ganun, nakalimutan ko ang Diyos. And that is the most important lesson.” 

Dagdag pa ng dating aspiring actor at ngayon ay businessman na, napagtanto raw niya na sa buhay, gaano man kalaki ang problemang kinasangkutan mo, may kakayahan ang taong malampasan ito. “No matter how deep or how far you’ve fallen, the story doesn’t have to end that way. If you don’t want to, if you have the strength of character, if you have the wit, if you have—most especially the faith, then you can change things,” saad niya. “The only way you can act on something is to take full responsibility (of your actions). Akin ‘to, akuin mo, may magagawa ka.” 

Diretsahang tinanong naman ng host na si Boy Abunda si Hayden kung ano ang nagbunsod sa kanya para i-record ang pakikipagtalik niya sa mga babae. “Sana madaling sagutin… malalim, madami, komplikado. Hindi siya ganoon kadali but I take full responsibility,” sagot niya. 

Isang doktor si Hayden pero dahil sa kinasangkutang issue ay tinanggalan siya ng lisensya na i-praktis ang kanyang propesyon. Aminado siyang masakit para sa kanya ito pero sinabi niya na patuloy ang kanyang pakikipaglaban upang mabawi ang lisensiya. “Exhausting legal means possible,” paglalarawan niya. 

Hindi rin daw lingid sa kanyang kaalaman ang pagkakaroon niya ng masamang reputasyon dahil sa video scandals subalit sinabi ni Hayden na hindi niya pwedeng hayaan na diktahan ang kanyang buhay dahil sa kanyang nakaraan. “At the end of the day it is what it is. Life throws you lemons you have to do something about it. Sa akin nandyan na, eh. Hindi ko na papalitan ‘yan, eh. I can’t put my life on hold because other people want to put my life on hold. I take responsibility for my own life. Hindi naman nila buhay ito so gagawin ko kung ano ang kailangan kong gawin,” depensa ni Hayden. 

Inamin din ni Hayden na nagkabalikan na sila ni Dr. Vicki Belo. Gayunpaman, hindi kaila na very vocal ang anak ni Dra. Belo na si Quark Henares na hindi sila pabor sa boyfriend ng ina. Pero sinabi ni Hayden na hindi raw siya apektado nito. “I’m out to live my life for myself and for the person I love. I am not out to please other people.Sinubukan ko na ‘yan dati. Ginagawa ko ang mga bagay para sa ibang tao, it didn’t work out. Ngayon natutunan ko na kung mayroon akong bagay na gagawin, ito ‘yung bagay na gusto ko lang talagang gawin para sa sarili ko. Sana lang dasal ko na sana makita nila in time na mahal ko talaga si Vicki.”  

Tinanong din ni Boy si Hayden kung ano ang sasabihin niya sa kanyang mga anak in the future kapag natuklasan ng mga ito ang ginawa niyang video scandals. Sinabi ni Hayden na mahirap daw na sitwasyon iyon pero sasabihin daw niya sa mga anak niya na gaya ng ibang tao, may pagkakataon sa kanyang buhay na naging mahina siya at hihingi siya ng paumanhin sa kanyang nagawa. via BERNIE FRANCO
 http://www.push.com.ph/news-feature/955/Hayden-Kho-confirms-he-and-Dr-Vicki-Belo-are-a-couple-again-.aspx

No comments:

Post a Comment